Աշխարհաքաղաքական խնդիրների ռուսական ակադեմիայի տվյալներով՝ 2020 թ. ահաբեկչական պատերազմի ժամանակ Արցախի հին հայկական տարածքները նվաճելու համար Ադրբեջանի նախագահ Իլհամ Ալիևը ծախսել է 48 մլրդ դոլար։ Այս մասին լրատվամիջոցներին հայտնել է ռուսական ակադեմիայի ներկայացուցիչ Արայիկ Սարգսյանը։
Բաքուն առնվազն 3 մլրդ 470 մլն դոլար է վճարել հայ քաղաքական գործիչներին այդ խայտառակ պատերազմում հայկական կողմի պարտության համար (այս գումարը ակադեմիան կարող է ապացուցել)։ Մնացած գումարներով, ըստ ճշտվող տեղեկությունների, կաշառվել են ԱՄՆ-ի, Իսրայելի, Անգլիայի, Ռուսաստանի եւ Թուրքիայի որոշ պաշտոնյաներ։
Ա. Սարգսյանը, ով համարվում է ՌԴ-ի լուրջ և հեղինակավոր փորձագետներից մեկը, ընդգծել է. <<Մենք անուն առ անուն ճանաչում ենք բոլոր այն պաշտոնյաներին, ովքեր թուրքերից և ադրբեջանցիներից փող են ստանում, գիտենք, թե որքան են ստանում և որտեղից են ստանում>>:
Չնայած այս, ըստ էության, հանցագործության մասին պաշտոնական հաղորդագրությանը, Հայաստանի դատախազությունները ու իրավապահ այլ մարմիններ, որոնք մասնագիտացել են հայազգի անձանց հետապնդումների մեջ, խուլ լռություն են պահպանում: Նշենք, որ իշխանությունները դեռեւս ոչ մի անգամ չեն հերքել Ա. Սարգսյանի հայտարարությունները:
Հետաքրքրականն այն է, որ Իլհամ Ալիեևը Հայաստանից պահանջում է հենց 50 միլիարդ դոլարի փոխհատուցում։ Փաստորեն նա փորձում է հետ բերել Արցախի նվաճմանն ուղղված ծախսած գումարը…
