Այսօր «Համահայկական ճակատ» շարժման և համանուն կուսակցության անդամները բողոքի ակցիա իրականացրեցին կառավարության շենքի դիմաց, իսկ հետո՝ գլխավոր դատախազության առջև։
Նրանց պահանջը մեկն է՝ դադարեցնել ՀՀ քաղաքացիների հիմնարար իրավունքների ոտնահարումը և ապահովել օրենքի առաջ հավասարությունը։
Նրանք բարձրաձայնեցին այն, ինչն այսօր բացակայում է պետական կառավարման համակարգում․
— քաղաքացիական ազատությունների պահպանում,
— օրինականության վերահաստատում,
— պետական ինստիտուտների քաղաքական չեզոքություն,
— ճնշումների ու քաղաքական հետապնդումների անհապաղ դադարեցում։
Բողոքի այս քայլով քաղաքացիները հիշեցնում են, որ իրավունքի պաշտպանությունը հանրային պարտք է, իսկ իրավական անվտանգությունը՝ պետական պարտավորություն։
Եվ երբ իշխանական կառույցները չեն կատարում իրենց հիմնական գործառույթը, քաղաքացին է դառնում վերջին պաշտպանական գիծը։
ՀՃՇ և ՀՃԿ իրականացրած ակցիան հստակ ուղերձ է այն մասին, որ Հայաստանում մարդու իրավունքները չեն կարող դառնալ իշխանական հաշվեհարդարի գործիք։
Հիշեցնենք, որ այսօր մարդու իրավունքների պաշտպանության միջազգային օրն է։
