Երևանի տրանսպորտային խնդիրը դարձել է ՀՀ քաղաքացիների նյարդերի հետ խաղալու և անհարմարություններ ստեղծելու առիթ։
ՔՊ-ն տապալվել է բոլոր ոլորտներում, ինչպես նաև նրանց թիմակից, Երևանի քաղաքապետ Տիգրան Ավինյանը։ Երևանի տրանսպորտն անհիմն թանկացնելով ՔՊ-ականները նորից մտնում են ՀՀ հպարտ քաղաքացիների գրպանը, սակայն դրա դիմաց չտալով ոչ հարմարավետություն, ոչ աշխատանքի վայր արագ հասնելու հնարավորություն։
Երևանը թաղված է շինաղբի, փոշու մեջ՝առկա են բազմաթիվ վթարային շենքեր, վերելակների խնդիրները բազմաթիվ են։
Խցանումների խնդիրներին այսօր գումարվում է հասարակական տրանսպորտի թանկացման խնդիրը։ ՔՊ-ի բոլոր խոստումները սկսած 2018թ․-ից սուտ էին։ Երևանում տրանսպորտը թանկանում է՝ամենաբարձրը դառնալով ԱՊՀ տարածքում։
ՀՀ հպարտ քաղաքացիներն իշխանության բերելով Փաշինյանին և թիմին այսօր իրենց մաշկի և գրպանի վրա են զգում իրենց սխալ ընտրության հետևանքները։
Բոլոր ոլորտները տապալած թիմը ցանկանում է մնալ իշխանության՝2026թ․-ին վերարտադրվել, սակայն գիտակցում են, որ դա անելը բարդ է լինելու։
Երևանում ՔՊ-ն չունի էլեկտորատ, նրանց վարկանիշը շատ ցածր է՝դա ցույց տվեցին նաև Երևանի քաղաքապետի ընտրությունները։
Երևանցիները հաջորդ ընտրություններին պետք է իրենց քվեով դուրս շպրտեն այս դիլետանտ թիմին և վերջապես իշխանության բերեն մայրաքաղաքի խնդիրները լուծելու ունակ թիմին, ովքեր մտահոգվում են ոչ թե հարստանալով, այլ Երևանը բոլորի համար հարմարավետ քաղաք դարձնելու խնդրով։
Սեդա Գևորգյան
