Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Ակիֆ Չագաթայ Քըլըչը հայտարարել է, որ Թուրքիայի և Հայաստանի դիվանագիտական ներկայացուցչությունների փոխադարձ բացման համար «ներկա իրավիճակում նախադրյալներ չկան»։
Թուրքիան չի բացելու հայ-թուրքական սահմանը, քանի դեռ Ալիևը չի պոկել ՀՀ-ից ամեն ինչ։ Թուրք-ադրբեջանական տանդեմը համատեղ է գործում Հայաստանի դեմ՝այս պահին Փաշինյանից և ՔՊ-ից հայակործան զիջումներ է կորզում Ադրբեջանը, իսկ ապագայում Թուրքիան է իր հերթին ստանալու Հայոց ցեղասպանության մոռացություն և Թուրքիայի տարածքային ամբողջականության ճանաչում։
Թուրքիային հետաքրքիր չէ հայկական փոքր, աղքատ շուկան՝Անկարան ցանկանում է Հայաստանով ելք ստանալ դեպի Ադրբեջան, իսկ ապագայում՝թուրքական ներդրումներով գրավել ողջ հայկական շուկան և Հայաստանը բնակեցնել թուրքերով։
Քանի դեռ Փաշինյանն Երևանում իշխանության է՝թուրք-ադրբեջանական շահերը բավարարվելու են՝ՔՊ-ն վերածվել է Թուրքիայի և Ադրբեջանի դեսպանների Հայաստանում։
ՀՀ քաղաքացիները պետք է ի վերջո ոտքի կանգնեն, քանի որ սեփական կամքով հեծանիվի սիրահարը չի հեռանալու, իսկ ՔՊ-ականները շարունակելու են հարստանալ և աղքատացնել հայ ժողովրդին։
Ներքին և արտաքին բոլոր ճակատներում տապալված փաշինյանական կլանի հույսն Էրդողան-Ալիև տանդեմի բարի կամքն է, որպեսզի նրանք մնան իշխանության նաև 2026թ․-ից հետո։
Հայ-թուրքական և հայ-ադրբեջանական սահմանների հնարավոր բացումը ՀՀ-ի համար պարունակում է ավելի շատ սպառնալիքներ, քան հնարավորոթյուններ։
Հայաստանի փրկությունը՝հայ ժողովրդի, հայրենասիրական ուժերի և սփյուռքի համատեղ պայքարի մեջ է՝ընդդեմ փաշինյանական կլանի։
Սեդա Գևորգյան
