Գերմանիայի ապագա կանցլեր Ֆրիդրիխ Մերցը ցանկանում է առաջին գերմանացուն ուղարկել Լուսին, գրում է Bild-ը:
Կոալիցիոն համաձայնագրում այս նպատակը հստակ նշված է.«Մենք ձգտում ենք նրան, որ գերմանացի կին կամ տղամարդ տիեզերագնացը թռչի Լուսին միջազգային առաքելության շրջանակում: Տիեզերական առաքելությունները նոր սերնդին ոգեշնչում են նոր նվաճումների»: Այսպես է բացատրել իրենց ծրագրերը Քրիստոնեական-դեմոկրատական միություն, Քրիստոնեա-սոցիալական միություն և Գերմանիայի սոցիալ-դեմոկրատական կուսակցություն դաշինքը:
«Ամերիկացիները եվրոպացիներին առաջարկել են իրենց հետ տիեզերագնաց տանել Լուսին: Մենք ուզում ենք այդ տեղը մերը լինի: Ի վերջո, Գերմանիան ամենամեծ ներդրումն ունի եվրոպական տիեզերական ծրագրի մեջ», — BILD-ին բացատրել է տնտեսագետ և Քրիստոնեա-սոցիալական միություն պատգամավոր Քրիստիան ֆոն Շտետենը:
Բեռլինում ծնված Ռաբեա Ռոգեն դարձել է առաջին գերմանուհին, որը թռել է տիեզերք: Սակայն 1978 թվականից ի վեր 12 գերմանացի տղամարդ է եղել տիեզերքում. այնուհանդերձ, դեպի Լուսին արշավներին մասնակցել են միայն ԱՄՆ քաղաքացիները։
