Ադրբեջանի ՊՆ հաղորդագրությունը, թե իբր ապրիլի 10-ին՝ ժամը 20:55-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու հյուսիսարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։ Այս մասին հայտնում են ՀՀ ՊՆ-ից։
Ադրբեջանը անկլավները գրավելու համար հիմքեր է ստեղծում։Բաքուն ցանկանում է հսկողություն սահմանել հայ-վրացական ճանապարհի նկատմամբ, որն անցնում է այն անկլավների կողքով, որը ՔՊ-ականները պատրաստվում են առանց մեկ կրակոց հանձնել Ադրբեջանին։
Պարզ է, որ այդ անկլավները վերածվելու են ադրբեջանական հենակետերի, որոնք սպառնալիք են ներկայացնելու ողջ 3-րդ բանակային կորպուսի, ինչպես նաև Հայաստան-Վրաստան ռազմավարական ճանապարհի նկատմամբ։
Տավուշում ստանալով անկլավներն ադրբեջանական զինուժը կրակելու է սահմանամերձ գյուղերի ուղղությամբ՝հայաթափելով այդ գյուղերն ու Տավուշին և ապագայում Սյունիքին սպավում է Արցախի ճակատագիրը, եթե ՔՊ-ական կապիտուլյանտները ՀՀ-ում մնան իշխանության։
Դրան զուգահեռ, Բաքուն ցանկանում է Վարդենիսի ուղղությամբ ապակայունացնել իրավիճակն ու դուրս գալ Սևանա լճի ափ՝Ադրբեջանն ունի ջրի խնդիր և այն ցանկանում է լուծել Սևանա լճի հաշվին։
ՀՀ գործող իշխանություններն իհարկե ոչ մի հակազդեցություն ցույց չեն տալու Ադրբեջանին՝հանուն սեփական աթոռների ու 2026թ․-ին վերարտադրվելուն ՔՊ-ն պատրաստ է զիջել հայկական ազգային ու պետական շահերը։
ՔՊ-ի օրոք Արցախը հայաթափվեց, տնտեսությունը փլուզման եզրին է, արտագաղթը չի դադարում, իսկ բանակը՝կրճատվում է։
Հայոց պետականությունը հնարավոր է փրկել՝ՔՊ-ին օր առաջ իշխանությունից հեռացնելու դեպքում։
Սեդա Գևորգյան
