Ռուսաստանը սպասում է, որ Հարավային Կովկասի «3+3» ձևաչափով հաջորդ նախարարական հանդիպումը կկայանա Բաքվում կամ Երևանում, և այդ հարցով քննարկումները շարունակվում են։ Դա հայտնել է արտաքին գործերի փոխնախարար Միխայիլ Գալուզինը Սանկտ Պետերբուրգի միջազգային տնտեսական ֆորումում «Հարթակ 3+3. ընդհանուր մարտահրավերներ և ռազմավարական գործընկերություն» սեսիայում։
Գալուզինը նաև ողջունել է վրացական փորձագիտական շրջանակների ներկայացուցչի մասնակցությունը՝ ընդգծելով, որ Վրաստանը կարևոր գործընկեր է և հույս հայտնելով, որ ժամանակի ընթացքում պաշտոնական Թբիլիսին կմիանա աշխատանքին։
