Գյումրու ՔՊ-ական նախկին փոխքաղաքապետ Արթուր Պապիկյանը` պաշտպանության նախարար Սուրեն Պապիկյանի հորեղբորորդին, նշանակվել է Գյումրու քաղաքապետի պաշտոնակատար Սարիկ Մինասյանի խորհրդական, գրել է «Հրապարակ»-ը։
Վարչապետի կնոջ` Աննա Հակոբյանի մորաքրոջ թոռը` նախկին փոխքաղաքապետ Վահագն Մկրտչյանն էլ նշանակվել է քաղաքապետի պաշտոնակատարի օգնական։
Գյումրու արտահերթ ՏԻՄ ընտրություններից հետո ՔՊ ֊ն երկուսին էլ մտադրվել է նորից շնորհել փոխքաղաքապետերի պաշտոնը։ Այս փուլում` ժամանակավոր պաշտոնակատարի դեպքում, օրենքն արգելում է փոխքաղաքապետեր նշանակել։
