Եթե Թուրքիայի հետ լինի գործող բաց սահման, եթե այս երկու երկրների միջև լինի բարձր վստահություն, ինչպես Հայաստանի և Իրանի միջև, ապա հնարավոր է՝ դիտարկվի և քննարկվի հայ-թուրքական սահմանից ռուս սահմանապահներին կրճատելու հարցը։ Ռուսական ռազմաբազան Հայաստանից դուրս բերելու հարց այս պահին օրակարգում չկա։ Այս մասին ասաց ՀՀ արտաքին գործերի նախարար Արարատ Միրզոյանը։ ՔՊ-ականներն որդեգրել են Հայաստանը ՌԴ-ից կտրելու հայակործան քաղաքականություն։ Միրզոյանը հայտարարում է, որ այս պահին ռուսական ռազմաբազայի հեռացման խնդիր դրված չէ, այսինքն այդ հարցը կարող է առաջանալ ապագայում։ Հայ-թուրքական սահմանի բացման պարագայում ՔՊ-ականները դա կներկայացնեն, որպես պատմական հաղթանակ և խաղաղության դարաշրջանի մեկնարկ ու կբարձրացնեն ռուսական ռազմաբազայի դուրս բերման հարցը։ ՀՀ-ում ռուսական ռազմաբազաները՝հայոց պետականության անվտանգության, հայ ազգի ֆիզիկական գոյության կարևորագույն երաշխիքներից են, սակայն Փաշինյանն ու ՔՊ-ն դա չեն գիտակցում՝Արևմուտքից նրանց հուշում են, որ պետք է որդեգրել հակառուսական արտաքին քաղաքական օրակարգ։ Ռուսական ռազմաբազաները՝թուրք-ադրբեջանական տանդեմին զսպող գործոն են և դրանց դուրս բերումը ՀՀ-ի անվտանգությունը զրոյացնելու է, ինչն իհարկե Փաշինյանին ու ՔՊ-ական խմբակին չի հետաքրքրում։ Փաշինյանն ու թիմն իշխանության են բերվել Արցախը հանձնելու և հայ-ռուսական ռազմա-քաղաքական դաշինքը կազմաքանդելու համար։ Արցախն այսօր օկուպացված է և Ադրբեջանը պատրաստվում է գրավել ողջ Հայաստանը։ Հայ-ռուսական կապերն էլ ՔՊ-ականների ջանքերով ամեն օր զրոյացվում են՝ՀԱՊԿ-ում ՀՀ-ի անդամակցությունը սառեցված է, իսկ իշխանական ֆեյքերը ՀՀ-ում հակառուսական տրամադրություններ են գեներացնում։
Սեդա Գևորգյան
