Ապրիլի 9-10-ը Հայաստանի Հանրապետության զինված ուժերի և Իրանի Իսլամական Հանրապետության զինված ուժերի հատուկ նշանակության ստորաբաժանումներն անցկացնելու են համատեղ զորավարժություն: Այս մասին հայտնում են ՀՀ ՊՆ–ից։
ՀՀ ԶՈՒ ստորաբաժանումը զորավարժությունն անցկացնելու է Հայաստանի տարածքում, ԻԻՀ ԶՈՒ ստորաբաժանումը՝ Իրանի տարածքում: Զորավարժությունը ենթադրում է Հայաստան-Իրան պետական սահմանին տեղակայված սահմանային անցակետերի վրա պայմանական ահաբեկչական խմբերի հարձակումը չեզոքացնելու գործողություններ:
Ադրբեջանի կրակոցների ֆոնին Իրանը մեսիջ է հղում Բաքվին և Անկարային։ Ադրբեջանական զինուժը վերջին օրերին շարունակում է կրակել հայ-ադրբեջանական սահմանի տարբեր հատվածներում՝ապակայունացնում է իրավիճակը հատկապես Սյունիքի ուղղությամբ՝փորձելով ստեղծել պատերազմի առիթ՝Զանգեզուրի միջանցքը զենքի ուժով բացելու համար։
ՀՀ-ի բարեկամ ու դաշնակից Իրանը բազմաթիվ անգամ կոշտ կերպով զգուշացրել է Բաքվին և նրա թիկունքում կանգնած Թուրքիային և Իսրայելին, որ ՀՀ տարածքային ամբողջականությունը՝կարմիր գիծ է Թեհրանի համար։
Իրանը թույլ չի տալու Սյունիքի օկուպացիա՝թուրք-ադրբեջանական տանդեմի կողմից և այս համատեղ զորավարժություններն ուղղված են զսպելու Ալիևի ռազմատենչ հայտարարությունները։
Ադրբեջանը պահանջում է ՔՊ-ից Սյունիքով միջանցք տրամադրել Բաքվին։ ՔՊ-ն պատրաստ է Արցախի պես Սյունիքը նույնպես զիջել թշնամուն, սակայն չի համարձակվում՝Իրանն ու ՌԴ-ն բազմաթիվ մեսիջներ են հղել թրքամետ խմբակին, որ Սյունիքը մնալու է հայկական։
Իրանի հետ ՀՀ-ն պետք է ստեղծի ռազմական դաշինք՝ՌԴ-ՀՀ-Իրան ռազմա-քաղաքական դաշինքը կարող է զսպել թուրք-ադրբեջանական տանդեմի Մեծ Թուրան կառուցելու հայակործան ծրագիրը։
Իրանի համար Սյունիքը նույնքան կարևոր է, ինչքան Թեհրանը։
Սեդա Գևորգյան
