Աշխարհի 27-րդ ռակետ, ռուսաստանցի Կարեն Խաչանովը դուրս եկավ Բարսելոնայում անցկացվող ATP-500 մրցաշարի կիսաեզրափակիչ։
Հայ թենիսիստը 6:4, 7:5 հաշվով պարտության մատնեց աշխարհի 30-րդ ռակետ, Իսպանիայի ներկայացուցիչ Ալեխանդրո Դավիդովիչ-Ֆոկինային։ Մրցախաղը տեւեց 1 ժամ եւ 45 րոպե։
Կիսաեզրափակչում Կարեն Խաչանովի մրցակիցը կլինի աշխարհի 10-րդ ռակետ, նորվեգացի Կասպեր Ռուդի եւ աշխարհի 13-րդ ռակետ, դանիացի Հոլգեր Ռունեի դիմակայության հաղթողը։
Բարսելոնայի մրցաշարի մրցանակային հիմնադրամը 2,8 միլիոն եվրո է։
