ԱՄՆ ազգային ավիատիեզերական գործակալությունը՝ ՆԱՍԱ-ն, խոստացել է միլիոնավոր դոլարներ վճարել նրան, ով կմշակի մեթոդ՝ ինչպես ուտիլիզացնել Լուսնի վրա մարդկային արտաթորանքով փաթեթները:
Լուսնի մակերեսին կա 96 պոլիէթիլենային տոպրակ, որոնք պարունակում են մարդկային արտաթորանքներ, որոնք հավաքվել են 1969-1972 թվականներին իրականացված լուսնային առաքելությունների ժամանակ: Այն ժամանակ տիեզերագնացները թողել էին դրանք Լուսնի վրա՝ վայրէջքի մոդուլում տարածք խնայելու և ավելի շատ լուսնային հողի նմուշներ տանելու համար: Այժմ ՆԱՍԱ-ն մրցույթ է հայտարարել փաթեթների խնդրի լավագույն լուծման համար։
Որպես LunaRecycle Challenge-ի մի մաս, տիեզերական գործակալությունը մինչև 2,7 միլիոն եվրո է առաջարկում բոլորին, ովքեր կարող են արդյունավետ տեխնոլոգիաներ ստեղծել լուսնային կայաններում ինչպես հին, այնպես էլ ապագա թափոնների վերամշակման համար:
«Մենք պետք է հասկանանք, թե ինչպես նվազագույնի հասցնել տարբեր տեսակի թափոնների քանակը և ինչպես դրանք պահել, վերամշակել և օգտագործել տիեզերքում», — ասվում է ՆԱՍԱ-ի հայտարարության մեջ:
Մրցույթը բաղկացած է երկու մասից. առաջին փուլը՝ Prototype Build Track-ը, ավարտվել է մարտին և ներառում էր աշխատանք առկա թափոնների հետ: Երկրորդը՝ Digital Twin Track-ը, կսկսվի առաջիկա շաբաթների ընթացքում և կկենտրոնանա ապագա առաքելությունների համար լիարժեք վերամշակման համակարգի ստեղծման վրա:
ՆԱՍԱ-ն ընդգծում է, որ մշակված տեխնոլոգիաները պետք է կիրառելի լինեն ոչ միայն Լուսնի, այլև Երկրի վրա։
