Հայաստանը ներկայացնող շախմատիստները մասնակցում են ՖԻԴԵ-ի «Grand Swiss Tournament 2025 Open» մրցաշարին:
«Արմենպրես»-ի հաղորդմամբ` մրցաշարի առաջին տուրում իրենց պարտիաները ոչ-ոքի ավարտեցին Հայկ Մարտիրոսյանը, Գաբրիել Սարգսյանը, Արամ Հակոբյանը, Շանթ Սարգսյանը: Պարտություն կրեց Ռոբերտ Հովհաննիսյանը:
Ուզբեկստանի Սամարղանդ քաղաքում ընթացող «Grand Swiss Tournament 2025 Open» մրցաշարն անցկացվում է շվեյցարական մրցակարգով ու բաղկացած է 11 տուրից: Այն կեզրափակվի սեպտեմբերի 15-ին: Յուրաքանչյուր մրցաշարում 1-ին և 2-րդ տեղերը զբաղեցրած շախմատիստները իրավունք են ստանում մասնակցելու 2026 թվականի հավակնորդների մրցաշարին։
