Հունիսի 7-ի ընտրությունների քվեարկության վերջնական արդյունքները կհրապարակվեն հունիսի 14-ին, լրագրողներին ասաց Կենտրոնական ընտրական հանձնաժողովի նախագահ Վահագն Հովակիմյանը։
«Այս փուլում ընթանում են վերահաշվարկի աշխատանքներ»,- նշեց նա։
Հովակիմյանը նշեց, որ ՔՊ-ն վերահաշվարկի դիմում չի ներկայացրել, ներկայացրել են միայն երեք ընդդիմադիր ուժեր։
ԿԸՀ նախագահը նախնական գնահատական չի կարող տալ՝ արդյո՞ք կարող է այնպես ստացվել, որ վերահաշվարկի արդյունքում ԲՀԿ-ն անցնի խորհրդարան։
«Հարգելինե՛րս, ես նման գնահատական չեմ կարող տալ, չեմ տա»,- նշեց նա։
