Սեպտեմբերի 17-ին, ժամը 06։40-ին Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Նորաշեն գյուղում այրվում է անասնագոմ։ Այս մասին հայտնում են ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է գյուղի 3-րդ փողոցի տներից մեկին մոտակա անասնագոմում:
Հրդեհը մեկուսացվել է ժամը 09։26-ին, մարվել՝ 10։48-ին։ Այրվել են անասնագոմի և հացատան տանիքները, խորդանոցը (ընդհանուր մոտ 212 քմ), կուտակած 45 հակ անասնակեր և սառնարան (մոտ 9 քմ):
Հրշեջ-փրկարարները կանխել են հրդեհի տարածումը դեպի տուն։
