Հաշվի առնելով այն հանգամանքը, որ ՀՀ սահմանադրության 5-րդ գլխի 123-րդ հոդվածի համաձայն սահմանված են ՀՀ նախագահի կարգավիճակն ու գործառույթները, ըստ որի

1. Հանրապետության նախագահը պետության գլուխն է:

2. Հանրապետության նախագահը հետևում է Սահմանադրության պահպանմանը:

3. Հանրապետության նախագահն իր լիազորություններն իրականացնելիս անաչառ է և առաջնորդվում է բացառապես համապետական և համազգային շահերով:

4. Հանրապետության նախագահն իր գործառույթներն իրականացնում է Սահմանադրությամբ սահմանված լիազորությունների միջոցով:

Եվ այն հանգամանքը, որ արտաքին քաղաքականության բնագավառում ՀՀ սահմանադրության 132-րդ հոդվածով Հանրապետության նախագահն ունի որոշակի լիազորություններ՝

1. Հանրապետության նախագահն օրենքով սահմանված դեպքերում և կարգով`

1) Կառավարության առաջարկությամբ կնքում է միջազգային պայմանագրեր, ինչպես և նույն 132-րդ հոդվածի 2-րդ մասով՝

2. Հանրապետության նախագահը, Կառավարության առաջարկությամբ, օրենքով սահմանված դեպքերում և կարգով հաստատում, կասեցնում կամ չեղյալ է հայտարարում վավերացում չպահանջող միջազգային պայմանագրերը:

Հետևաբար խնդրում ենք ՀՃՇ առաջնորդ գեներալ-մայոր Ա.Կարապետյանին՝ դիմել Ազգային Հպարտության Տրիբունալին այն մասով, որ ՀՀ-ում պաշտոնավարող նախագահն ու վարչապետը չեն կատարում սահմանադրորեն ստանձնած պարտականությունները, անգործություն են դրսևորում, ոտնահարում են ՀՀ քաղաքացու արժանապատվությունը:

Ուստի և խնդրում ենք լուծում տալու ներքոհիշյալ այն հարցերին,թե՝

1. ՀՀ վարչապետը որ իրավունքի ուժով է ՀՀ անունից ստորագրել խաղաղության պայմանագիր;

2. Հրաման տվել մարտական հենակետերից զորքերի հետ քաշվելու վերաբերյալ:

3. Հանձնարարական տվել առանձին անձանց կալանավորելու վերաբերյալ:

4. Վիրավորել ՀՀ քաղաքացուն:

5. Միջամտել կրոնական կազմակերպությունների գործունեությունը: