Հայաստանը պաշտոնապես հետ չի կանչել իր ստորագրությունը նոյեմբերի 9-ի եռակողմ հռչակագրից, որը ստորագրել են Մոսկվան, Բաքուն ու Երևանը և որը նպաստել է Լեռնային Ղարաբաղում հրադադարի հաստատմանը, հայտարարել է Ռուսաստանի փոխվարչապետ Ալեքսեյ Օվերչուկը, ով նաև Հարավային Կովկասում տրանսպորտային ուղիների ապաշրջափակման հարցով եռակողմ աշխատանքային խմբի համանախագահն է:
Մոսկվայի «մեսիջը» Հարավային Կովկասին՝այս տարածաշրջանում խաղաղություն և սահմանների ապաշրջափակում հնարավոր է միայն ՌԴ-ի մասնակցությամբ։ Արևմուտքը պետք է գիտակցի, որ հնարավոր չէ ՌԴ-ն Հարավային Կովկասից դուրս մղել կամ չեզոքացնել ռուսական ռազմա-քաղաքական ազդեցությունը։
ՌԴ-ն «հուշում» է Փաշինյանին նոյեմբերի 9-ի մասին, քանի որ դա բխում է ՀՀ-ի ու հայ ժողովրդի շահերից։ Այդ փաստաթղթով Լեռնային Ղարաբաղում պետք է հայեր բնակվեն, իսկ Սյունիքով անցնող լոգիստիկայի անվտանգությունն ապահովելու են ռուս սահմանապահները։
Փաշինյանը չպետք է կատարի Արևմուտքի հակառուսական պատվերները՝սա էր Մոսկվայի «մեսիջը» ՀՀ վարչապետին։ Մոսկվայում Փաշինյանին հստակ բացատրել են ՌԴ-ի հետ դաշնակցային կապերի կարևորությունը ՀՀ-ի համար և տնտեսական, ռազմա-քաղաքական դիվիդենտները։
Փաշինյանը հայտնվել է բարդ իրավիճակում՝նա ցանկանում է միաժամանակ լինել ռուսամետ և հակառուս, արևմտամետ և մնալ ԵԱՏՄ-ու ու ՀԱՊԿ-ում։
Արևմուտքը թույլ չի տալու հայ-ռուսական կապերի խորացում և եթե Փաշինյանը փորձի խորացնել կապերը Մոսկվայի հետ՝Արևմուտքը ՔՊ-ի միջոցով կարող է Փաշինյանին փոխարինել ավելի հակառուս վարչապետով։
Սեդա Գևորգյան
