ՀԱՊԿ-ը պարտավոր չէր պատերազմել Երևանի կողմից՝ Ղարաբաղի համար, որովհետև Հայաստանը չէր ճանաչել Ղարաբաղը որպես անկախ պետություն և չէր մտցրել իր կազմի մեջ։ Այս մասին Աստանայում՝ ՀԱՊԿ գագաթնաժողովից հետո կայացած ասուլիսում, հայտարարել է ՌԴ նախագահ Վլադիմիր Պուտինը։
Պուտինի մեսիջը հայ ժողովրդին՝Արցախը հանձնել է Փաշինյանը։ Արցախի հանձնումը ՔՊ-ական արևմտամետ և թրքամետ խմբակը ցանկանում է վերագրել ռուսական կողմին՝սլաքներն ուղղել դեպի ՌԴ, սակայն դա նրանց մոտ չի ստացվում։
Պուտինը հստակ պատասխանել է այն հարցին, թե ինչու ՀԱՊԿ-ն չպատերազմեց Արցախի համար։ ՀՀ-ն չէր ճանաչել Արցախը, բացի այդ, ՀՀ-ի սուվերեն տարածքի դեմ ագրեսիայի ժամանակ՝Վարդենիսի և Ջերմուկի ուղղությամբ, Փաշինյանն ու թիմը ռազմական դրության չեն հատարարել՝չեն դիմել ռուսական կողմին աջակցության համար՝չնայած դրան ռուսական կողմն օգնել է և բազմաթիվ վկայություններ կան, թե ինչպես է ռուսական կողմը Սյունիքում և այլ վայրերում զորքեր տեղակայել՝թուրք-ադրբեջանական տանդեմին զսպելու համար։
ՔՊ-ն՝Արևմուտքի դրդմամբ հակառուսական տրամադրություններ է բարձրացնում և հակառուսականություն է քարոզում՝դրանով ջուր լցնելով Թուրքիայի և Ադրբեջանի ջրաղացին, քանի որ եթե ՀՀ-ն մնաց Հարավային Կովկասում առանց ռուսական ռազմական աջակցության, ադրբեջանական զորքերը կմտնեն Սյունիք, իսկ թուրքական զորքերը՝Երևան։
Փաշինյանն ու թիմն իրենց հակառուսականությամբ վտանգում են հայոց պետականության գոյությունն ու թուլացնում ՀՀ անվտանգությունը՝դրանով կատարելով Անկարայի և Բաքվի ու նրանց ընդհանուր կուրատոր Արևմուտքի պատվերները։
Արևմուտքը ցանկանում է ՌԴ-ին դուրս մղել ՀՀ-ից, իսկ թե ինչ կլինի Սյունիքի և հայ ժողովրդի հետ դրանից հետո ոչ Բրյուսելին, ոչ Վաշինգտոնին չի հետաքրքրում։
