1993 թվականի փետրվարի 20-ին Մարտակերտի շրջանի Հաթերք գյուղը ազատագրվեց հայկական ինքնապաշտպանական ուժերի կողմից՝ Առաջին Արցախյան պատերազմի թեժ փուլում։
1992 թվականի հունիսին գյուղը բռնազավթվել էր ադրբեջանական ուժերի կողմից։ Մարտակերտի ուղղությամբ ծավալված ծանր և երկարատև մարտերից հետո, հայկական ստորաբաժանումները կարողացան փոխել ռազմաճակատային իրավիճակը և 1993թ. փետրվարի 20-ին վերահաստատել վերահսկողությունը Հաթերքի նկատմամբ։
Ազատագրումն ուներ ռազմավարական նշանակություն՝ նպաստելով Մարտակերտի շրջանի պաշտպանական գծերի ամրապնդմանը և բնակավայրերի միջև կապի վերականգնմանը։ Հաթերքի ազատագրումը դարձավ այդ շրջանի հակահարձակման կարևոր հանգրվաններից մեկը՝ խորհրդանշելով հայ ժողովրդի վճռականությունը սեփական հայրենի հողի պաշտպանության գործում։
Այս օրը խոնարհվում ենք այն ազատամարտիկների հիշատակի առաջ, ովքեր իրենց կյանքը նվիրեցին Արցախի ազատության և անվտանգության համար։
Փառք ու հավերժ հիշատակ հերոսներին
«Համահայկական ճակատ» կուսակցության հաղորդագրությունը
