Պաշտպանության նախարար Սուրեն Պապիկյանն այցելել է N բանակային զորամիավորում: Բացի շտաբից, նախարարը շրջել է առաջնագծում, հետևել ընթացող լայնածավալ շինաշխատանքներին, հայտնում են ռազմական գերատեսչությունից։ Նրան ներկայացվել են կատարված աշխատանքները, առաջիկա անելիքները:
Հայաստանի շուրջ ստեղծվել է բարդ գեոպոլիտիկ իրավիճակ, որից ցանկացած պահի կարող է օգտվել Ադրբեջանն ու հենվելով Թուրքիայի աջակցության վրա՝ «բլից-կրիգ» իրականացնի Սյունիքի և Սևանա լճի արևելյան ափի նկատմամբ։ Այդ տարածքները Բաքվում ներկայացվում են, որպես այսպես կոչված «Արևմտյան Ադրբեջան»։
Բաքուն տեղեկատվական միջավայր է ստեղծում ՀՀ-ի դեմ նոր ագրեսիայի համար՝նրանց ՊՆ-ն մեղադրում է հայկական կողմին հրադադարի ռեժիմը խախտելու, Արևմուտքի կողմից զինվելու և «Զանգեզուրի միջանցքը» չտրամադրելու մեջ։
Պապիկյանի ակտիվությունը զորամիավորումներում կարող է խոսել սպասվող նոր էսկալացիայի մասին։ Բոլորն էլ հասկանում են, որ Արցախի օկուպացիան՝Սյունիքը գրավելու նախերգանքն էր և թուրք-ադրբեջանական տանդեմի համար Սյունիքն ավելի կարևոր է, քան անգամ Արցախը։
Հայաստանը պետք է վերազինվի ավելի մեծ տեմպերով՝ուժեղացնի Սյունիքում և Սևանա լճի արևելյան ափի պաշտպանությունը՝Բաքուն կցանկանա ելք ունենալ դեպի Սևանա լիճ՝դա դարձնելով ՀՀ-ի բնական սահման։ Չմոռանանք, որ Ադրբեջանում սուր է դրված քաղցրահամ ջրի հարցը։ Ադրբեջանի նախագահն էլ Գեղարքունիքի մարզի մի շարք բնակավայրեր կոչում է ադրբեջանական տեղանուններով՝դրանով իսկ հիմք ստեղծելով դրանք գրավելու համար։
Սյունիքի անվտանգությունը կարևոր է ՌԴ-ի և Իրանի համար՝Երևանը պետք է ոչ թե սրի կապերը Մոսկվայի հետ, ինչպես դա անում է Փաշինյանն ու ՔՊ-ական թիմը, այլ խորացնի ռազմական կապերը թե Մոսկվայի, թե Թեհրանի դեմ։ Ավելի ակտիվ պետք է աշխատել արտաքին աշխարհի հետ, որպեսզի Արևմուտքը, որն լուրջ էներգետիկ լծակներ ունի Ալիևի ռեժիմի նկատմամբ՝հստակ մեսիջ հղի՝Հայաստանի դեմ հարձակումը կհանգեցնի կոշտ պատժամիջոցների Ադրբեջանի և անձամբ Ալիևի ընտանիքի նկատմամբ։ Դրան զուգահեռ, պետք է ամրապնդել սեփական բանակը, քանի որ միայն ՀՀ ԶՈւ-րն են Սյունիքը՝հայկական պահելու թիվ մեկ երաշխավորը։