Վարչապետ Նիկոլ Փաշինյանն ընդունել է ՌԴ փոխվարչապետ Ալեքսեյ Օվերչուկին: Քննարկվել են Հայաստանի Հանրապետության և Ռուսաստանի Դաշնության միջև երկկողմ հարաբերությունների օրակարգին վերաբերող հարցեր:
Փաշինյանը հանուն իշխանության պահպանման սկսելու է ՌԴ-ին հաճոյանալու քաղաքականությունը՝կոմպլիմենտներ է շռայլելու Մոսկվայի հասցեին, քանի որ գիտակցում է՝Արևմուտքը բացի խոստումներին ոչինչ չի տալու Հայաստանին, իսկ Սյունիքի համար սպասվող պատերազմում չեզոք դիրքորոշում է որդեգրելու։
ՔՊ-ն 2018թ-ից վեր ՌԴ-ի հետ հարաբերությունները զրոյացնելու քաղաքականություն է իրականացնում՝քննադատում է հայ-ռուսական ռազմական կապերը, ՀԱՊԿ-ն ու ԵԱՏՄ, սակայն երբ նրանք գիտակցում են, որ կարող են զրկվել իշխանությունից՝պատրաստ են հակառուսական հայտարարությունները փոխարինել ռուսամետ հայտարարություններով։ Սակայն ինչպես հայտնի է Մոսկվան ՔՊ-ականների արցունքներին չի հավատում։
Փաշինյանն ու ՔՊ-ն չունեն հստակ արտաքին քաղաքական ուղենիշներ՝հանուն իշխանության պահպանման նրանք այսօր հակառուս են, վաղը թրքամետ, իսկ մեկ ամսից՝նորից ռուսամետ։
ՔՊ-ականների դիլետանտ արտաքին քաղաքականության պատճառով Հարավային Կովկասում ուժեղացել են թուրքական դիրքերն ու մեծացել է Ադրբեջանի գեոպոլիտիկ «ախորժակը»։
ՌԴ-ն է հայոց պետականության գոյության, սահմանների պաշտպանության և տնտեսական աճի միակ և կարևոր դաշնակիցն է ու երաշխավորը՝Արևմուտքի համար Հայաստանը միայն հնարավոր հակառուսական պլացդարմ է և ոչ ավելին։
Սեդա Գևորգյան
