Բաքվի և Երևանի միջև բանակցային գործընթացի ոչ բոլոր մասնակիցներն են, որ ողջունում են Հայաստանում ԵՄ առաքելության ընդլայնման փաստը, հայտարարել է ՌԴ նախագահի օգնական Յուրի Ուշակովը։
Փաշինյանը Հայաստանը վերածում է ՌԴ-Արևմուտք բախման թատերաբեմի՝դրանից բխող բարդ հետևանքներով Հայաստանի համար։ ՔՊ-ն ամեն ինչ անում է, որպեսզի հայ-ռուսական հարաբերություններում սեպ խրվի, սակայն Մոսկվան ՔՊ-ին և հայ ժողովրդին մի հարթության մեջ չի դիտում։
ՌԴ-ի համար Հայաստանը՝ռազմավարական դաշնակից է, իսկ հայ ժողովուրդը՝եղբայրական ժողովուրդ է, իսկ ՔՊ-ն՝2018թ․-ին Արևմուտքի կողմից ներդրված խմբակ, որի նպատակն էր հանձնել Արցախը, Սյունիքով միջանցք տրամադրել Բաքվին և զրոյացնել հայ-ռուսական կապերը։
ԵՄ առաքելությունը ՀՀ-ում միանշանակ չի ընդունվում ՌԴ-ի և Իրանի կողմից՝նրանք այդ առաքելությունը դիտարկում են, որպես ՆԱՏՕ-ական հետախուզական առաքելություն, որն ուղղված է ՌԴ-ի և Իրանի դեմ։
Չնայած այդ հանգամանքին ՔՊ-ն ավելացնում է ԵՄ առաքելության թվաքականը ՀՀ-ում՝Արևմուտքի պատվերով։ Եթե Ադրբեջանն իրոք ցանկանա հարձակվել ՀՀ-ի վրա, ապա ուշադրություն չի դարձնելու ԵՄ առաքելության վրա։
Թուրք-ադրբեջանական տանդեմը սպասում է Փաշինյանի վերջնական պատասխանին՝ «Զանգեզուրի միջանցքի» հետ կապված և բացասական պատասխան ստանալու դեպքում ռազմական ուժով են բացելու այդ միջանցքը՝Արևմուտքի լուռ համաձայնությամբ, քանի որ այդ միջանցքը ՆԱՏՕ-ն ու անգլո-սաքսոնական ուժերն օգտագործելու են ՌԴ-ի և Իրանի դեմ, իսկ Թուրքիան և Ադրբեջանը՝Մեծ Թուրան կառուցելու նպատակով։
Հանուն սեփական իշխանության պահպանման Փաշինյանը փորձում է նստել ռուսական և արևմտյան «աթոռների» վրա, սակայն դա նրան չի հաջողվելու, քանի որ թե Մոսկվան, թե Արևմուտքը ՀՀ-ից վերջնական պատասխան են սպասելու, թե ում հետ է Երևանը տեսնում իր ապագան։
Սեդա Գևորգյան
