ԱՄՆ ռազմական կցորդ, գնդապետ Մեթյու Քրոուն ներկա գտնվեց ՀՀ զինված ուժերի և Կանզասի ազգային գվարդիայի զինծառայողների մասնակցությամբ տեղի ունեցող ուսուցմանը՝ նվիրված բուժօգնության հարցերին։ Միջոցառումն անցկացվեց «Զառ» ուսումնական կենտրոնում՝ «Արծիվ գործընկեր-2025» հայ-ամերիկյան զորավարժության շրջանակում։ Այս մասին հայտնում են ԱՄՆ դեսպանությունից:

Զորավարժության ավարտին նախատեսվում է ԱՄՆ զինծառայողների և նրանց ռազմական տեխնիկայի վերադարձ դեպի ծառայության հիմնական վայր։