Պետական դավաճանությանը հավասարազոր իշխանությունների անսկզբունքայնությունն ու կամքի բացակայությունը մեր երկիրը կրկին կանգնեցրել են պետականության և ինքնիշխանության կորստի եզրին։ Այդ մասին հայտարարել է «Համահայկական ճակատ» շարժման առաջնորդ Արշակ Կարապետյանը։
Փաշինյանի և ՔՊ-ի քայլերի արդյունքում Արցախը հանձնվեց Բաքվին, իսկ Սյունիքի գլխին կախված է օկուպացված լինելու վտանգը։ ՔՊ-ն զբաղված է փառատոններով ու հարստանալով, իսկ Փաշինյանը հեծանիվ է վարում և բոլոր միջոցներով փորձում է պահպանել իշխանությունն ու վերարտադրվել 2026թ․-ին։
Փաշինյանը չունի հանրային աջակցություն՝նրա իշխանության պահապաններն են Արևմուտքը, թուրք-ադրբեջանական տանդեմն ու ՔՊ-ական խմբակը՝հավատարիմ ոստիկանությունով։
ՔՊ-ի քայլերի արդյունքում հայոց պետականությունը կանգնած է կործանման եզրին՝տնտեսությունն ու բանակը կազմաքանդված են, բանակում բարդակ է՝ամեն օր զինվորներ են զոհվում, ՀՀ արտաքին պարտքը հատել է 12 միլիարդ դոլարի շեմը, արտագաղթը ռեկորդներ է սահմանում։
Փաշինյանը հանուն սեփական աթոռի պատրաստ է կատարել իր դաշնակից Ալիևի և Էրդողանի բոլոր հրահանգները՝ՔՊ-ն ապացուցել է, որ հանուն փողի և իշխանության պատրաստ է սպասարկել թուրքական, ադրբեջանական, արևմտյան, հակառուսական ցանկացած օրակարգ։
Արևմուտքին ձեռնտու է Փաշինյանը՝հակառուսական օրակարգը կյանքի կոչելու համար, իսկ Անկարան և Բաքուն հենվելով Երևանում ՔՊ-ի վրա կառուցում են իրենց դարավոր երազանքը՝Մեծ Թուրանը։
ՔՊ-ականների համար թուրքը բարեկամ է, իսկ ՌԴ-ն և Իրանը՝թշնամի։
Սեդա Գևորգյան
