Դատարաններն ու ոստիկանությունը սպասարկում են Փաշինյանի քաղաքական շահերը Հայաստանի ղեկավարությունը՝ ի դեմս ՀՀ վարչապետ Նիկոլ Փաշինյանի և նրա մերձավոր շրջապատի, հանուն անձնական իշխանության պահպանման, ՀՀ քաղաքացիներին քաղաքական դրդապատճառներով հետապնդումները հասցրել են պետական գաղափարախոսության աստիճանի։ Այդ մասին հայտարարել է «Համահայկական ճակատի» առաջնորդ Արշակ Կարապետյանը։ Դատարաններն ու ոստիկանությունը սպասարկում են Փաշինյանի քաղաքական շահերը։ Փաշինյանն ու ՔՊ-ն քաղաքական ընդդիմախոսների դեմ պայքարում են նրանց դեմ շինծու գործեր հարուցելով՝այդ հանցավոր գործում հենվելով դատական և ուժային համակարգերի վրա։ ՔՊ-ի կոռուպցիայի վրա դատարաններն աչք են փակում, իսկ ընդդիմության դեմ հարուցվում են քրեական գործեր՝նրանց լռեցնելու և Փաշինյանի դեմ պայքարողների կամքը կոտրելու համար։ Ընդդիմության դեմ պայքարում ՔՊ-ն հենվում է իրենց թիմին հավատարիմ ոստիկանության վրա՝ՀՀ քաղաքացիներին ծեծելն ու նրանց դեմ լուսաձայնային նռնակներ օգտագործելը խրախուսելով պարգևավճարներով ու ոստիկանության աշխատավարձերը բարձրացնելով։ Փաշինյանի հռչակած «ժողովրդավարության բաստիոնը» վերածվում է «բռնապետության բաստիոնի», որտեղ ցանկացած ոք, ով հանդես է գալիս Փաշինյանին և թիմին քննադատող դիրքերից ընկնում է դատարաններ և նրանց դեմ շինծու քրեական գործեր են հարուցվում։ Այսպիսի ներքաղաքական իրավիճակով Փաշինյանը ՀՀ քաղաքացիներին մոլորեցնում է ԵՄ-ին անդամակցելու մասին հեքիաթներով։
Սեդա Գևորգյան
