Ռուսաստանի արտաքին գործերի նախարարությունը հայտարարում է, որ Հարավային Կովկասում խաղաղությունն ու կայունությունը կարևոր են Ռուսաստանի համար, և Մոսկվան պատրաստ է օգնել Ադրբեջանի և Հայաստանի միջև հարաբերությունների կարգավորմանը։ Այս մասին ասվում է ԱԳՆ հայտարարությունում՝ Ադրբեջանի արտգործնախարար Ջեյհուն Բայրամովի Ռուսաստան պաշտոնական այցից առաջ։
Հայտարարության մեջ նշվում է, որ, ինչպես նախկինում, պատրաստ են տրամադրել խնդրված օգնությունը հարաբերությունների լիակատար կարգավորման հարցում, ներառյալ խաղաղության պայմանագրի կնքումը, սահմանազատումը և հաղորդակցությունների ապաշրջափակումը։
