Լիոնել Մեսսին անդրադարձել է 2007 թվականին արված լուսանկարին, որտեղ նա լողացնում է այն ժամանակ 5 ամսական Լամին Յամալին՝ Իսպանիայի հավաքականի ապագա աստղին, և դրվագը անվանել «անհավանական»։ Մեսսին և Յամալը այժմ պատրաստվում են հանդիպել որպես մրցակիցներ՝ Աշխարհի առաջնության եզրափակչում հուլիսի 19-ին։
«Անկեղծ ասած՝ այդ լուսանկարը պարզապես անհավանական է։ Այդպիսին է կյանքը։ Ես նրա հետ լուսանկարվել եմ, երբ նա դեռ փոքրիկ երեխա էր, իսկ հիմա մենք հանդիպելու ենք միմյանց դեմ՝ Աշխարհի առաջնությունում»,– ասել է Մեսսին Նյու Յորքում կայացած FIFA Fanatics Fest միջոցառման ժամանակ՝ ըստ Թե Աթլեթիկ-ի։
Տարիներ անց այդ լուսանկարը դարձել է ֆուտբոլային աշխարհի ամենաքննարկվող կադրերից մեկը՝ ցույց տալով սպորտային պատմության անսպասելիությունը։
